Helpmiddels

Ynformaasje oer fergeze taalhelp, apps en programma’s. Help by it learen fan in nije taal of it ûntwikkeljen fan (nije) feardichheden, sa as Frysk skriuwen. Alle fergeze taalhelpmiddels fynst op: taalhelp.frl.

Fergeze digitale taalhelpmiddels foar elkenien dy’t flaterfrij Frysk skriuwe wol. Fryske wurdboek-apps, games, in wurdboek, download de Fryske staveringshifker foar Microsoft Office, in Frysk toetseboerd foar dyn telefoan of tablet, in oersethelp en noch folle mear. Mei dizze digitale taalhelpmiddels foar it Frysk makkest noait wer in flater.

Frysk yn Microsoft Office

De Fryske staveringshifker foar Microsoft Office is te downloaden op de website fan taalhelp.

Gjin flater op de mobyl

SwiftKey is al jierren in bysûnder populêre toetseboerdferfanger. Kinst Swiftkey brûke yn bygelyks Whatsapp. De software jout in foarsizzing fan de wurden en leart ek fan dyn taalgebrûk.

Wurdboek en taalhelp

Taalweb Frysk is in helpmiddel foar elkenien dy’t Frysk skriuwe wol. Op dizze website, ûntwikkele troch de Fryske Akademy, wurdt jo in ferskaat oan fergees digitaal skriuwark oanbean.